*

Su dicu ca sugnu scuntentu

nuddu mi cridi

– e forsi mancu jù –

nuddu mi ddumanna

cchi cci aju di vinniri

ca curru e sugnu fermu,

ca cercu e mi sdirrubbu

un pezzu di rraggiuni …

 

Vuautri, criditimi,

ca sugnu munzignaru

e nanfarusu,

ca sugnu pedi-cioci

e vinnu ’n prescia

lettu scunsulatu

e paroli-chiummu

ô straventu

nnê sipali.

* – Se dico che sono scontento / nessuno mi crede / – e forse neppure io – / nessuno mi domanda / cosa abbia da vendere / ché corro e sono fermo, / ché cerco ed inciampo / uno straccio di ragione… // Voi altri, credetemi, / ché sono bugiardo / e “parlo col naso”(pieno di me stesso), / ché sono “piedi mollicci” (instabili) / e vendo in fretta / letto sconsolato / e parole-piombo / allo stravento / nelle sipale.

*

Jennu a cchianari

vidu dâ finestra dâ mo stanza

fogghi cupputi di zzammara

ferri sicchi, pal ’i ficudinna

aranci nichi e alivi:

 

è tuttaccà ’a Sicilia

fora dê palazzi – pensu –,

i paroli ca su’ chiddi

ca hânu agghiessiri!

 

Ogni cocciu d’acqua, ntantu

è tempu-chiovu ca s’arrumpi:

 

forsi stavota cci vaju a vvavaluci!

* – Andando a salire (guardando in prospettiva) / vedo dalla finestra della mia stanza / foglie a coppa di agavi / ferule essiccate, tronchi di fichidindia / aranci nani e ulivi: / – è tutta qua la Sicilia all’infuori dei palazzi ( fuori città ) – penso – le parole che sono quelle che debbono essere! // Ogni goccia d’acqua, intanto, / è tempo-chiodo che si rompe: // forse stavolta vado (davvero) a raccogliere lumache!

*

Vita e paroli

si strinciunu

comu l’aria cchê purmuna:

 

’N’autra sira a stissa

comu chista

e moru!

 

Nn’aju a rrispirari

c’u sapi quantu

silenziu di canigghia …

 

Quantu voti quantu

aju a surcari

munzignarii di vitru?

* – Vita e parole / si stringono / come l’aria con i polmoni:// Un’altra sera uguale a questa /e muoio! // Ne debbo respirare / chissà quanto / silenzio di crusca … // Quante volte quante / dovrò solcare / menzogne di vetro?

Giuseppe Samperi

(Questi versi sono tratti dalla silloge Aria sbintata, Catania 2002, Premio “Angelo Musco”, sezione poesia edita, Milo 2013).