Luciano Somma è nato a Napoli il 18 Marzo 1940. Ha iniziato a scrivere poesia all'età di 13 anni, ottenendo molti premi. È inserito in moltissime antologie, anche scolastiche, e nella prestigiosa Nati per la vita"stampata in Russia dall'edizione Raduca di Mosca dove figurano firme come Quasimodo, Pasolini, Saba, Bevilacqua e De Filippo. Pubblica sui periodici e sui quotidiani più importanti d'Italia, oltre 150 testate giornalistiche hanno ospitato i sui articoli o i suoi versi. Come paroliere ha all'attivo oltre 500 canzoni edite o incise. (A cura di Anna Lanzetta)

PECCHÉ SULO A NATALE?

‘O suono ‘e na zampogna
na smania ‘e vulè bbene,
N’albero chino ‘e luce
nu desiderio ‘e pace.

Se stenne ‘a mano pure
a n’antico rivale
se sprecano l’augurie,
è ggià, pecch’è Natale.

Sarrà p’‘o clima ‘e festa
che porta ‘a ricurrenza,
‘o core cagna veste
ritrova na cuscienza.

‘Sta vita, pe’ nu juorno
diventa na livella
e ‘a ggente tutt’attuorno
chisà, pare cchiù bella!

Pure n’ommo ‘nfamone
carezza n’animale
nun fà cchiù ‘o fetendone
le pare naturale.

‘O popolo ‘e stu munno,
arravugliato ‘e male,
diventa bbuono ‘nfunno…
Pecchè sulo a Natale?

 

NATALE D’ORO

 

Nuvole, tanta nuvole, p’‘o cielo,
addo’ na luna avara sta’ durmenno,
cummogliono sta Napule c’‘o velo
‘e na cuperta arricamata argiento.

Pe’ ll’aria ‘o suono doce ‘e na zampogna
pare dicesse «‘O vvi’, stammo a Natale»
cercammo ‘e cancella’ d’‘a mente ‘e guaje
pienze a fa’ bbene, scòrdate d’‘o mmale.

Fore a’ na chiesia ride nu pezzente

ringrazia a chi l’ha dato mille lire

e tene mente a chi nun ce da’ niente

comme pe’ di’ «Stò cca’,che d’è nun vide?»

Chesta città ch’ha sbalurdito ‘o munno
è sempe bella, è tutta nu splennore
comme a chi dorme e fa’ nu bellu suonno
‘e nu Natale arravugliato d’oro.

 

Luciano Somma